Доколку чувствувате дека кратка прошетка ви претставува напор или доколку мора да дремете во текот на денот можно е да страдате од замор. Тој се јавува како последица на многу фактори : стрес, лекови, прекумерна работа, проблеми со спиењето и болести.
Доколку утврдите дека вашата исцрпеност не доаѓа од некој здравствен проблем, можеби е време да размислите за тоа како се храните.
Многу намирници кои често се земаат ја исцрпуваат енергијата, но постојат и многу такви што ќе ви помогнат да ја вратите.
Со конзумирање на повеќе мали оброци во текот на денот или три оброка и две ужини во вид на јасткасто и свежо овошје, ќе го одржите шеќерот во крвта во нормални граници, со што ќе го избегнете заморот.
Јадете свежо наместо суво овошје, бидејќи сувото содржи повеќе шеќер.
Незасладениот јогурт исто така е одличен за ужина, бидејќи содржи многу протеини и јаглехидрати, а малку шеќер и калории.
Водата е подеднакво важна. Без неа нашиот организам се напрега да ја одржи рамнотежата на течности наместо да произведува молекули на енергија. Официјалните препораки гласат дека жените треба да внесуваат најмалку 11 шолји (по 250ml) течност дневно, а мажите 16 шолји, при што приближно 20 проценти од течностите треба да доаѓаат од храната.
МОЌТА НА ПОЈАДОКОТ
Без здрав појадок кој содржи интегрални житарки, протеини и малку масти (житни снегулки, млеко и овошје), ќе малаксате пред пладне.
Извесен број на истражувања покажале дека луѓето кои појадуваат имаат подобра концентрација и дека се попродуктивни од оние што го пропуштаат појадокот, како и тоа дека во најголем број случаи немаат проблеми со вишок килограми бидејќи не огласуваат премногу до ручекот.
Просечно возрасно лице за појадок треба да внесе 300-400 калории.
Здравиот појадок обично може да се подготви за една минута и да се изеде за неколку минути, така што немате изговор да го прескокнувате!
Еве неколку прекрасни комбинации :
- Една чинија со снегулки од повеќе видови житарки, јагоди и млеко со мал процент млечна маст.
- Шолја јогурт со мал процент млечна маст, свежи боровинки и парче интегрален леб со овошен намаз.
-Кајгана од едно јајце, интегрално парче леб, салата од свежо овошје и 250ml млеко со мал процент млечна маст.
Дипломиран нутриционист
Анита Николоски
АВИТАЛ ДИЕТ КЛУБ
Comments
Post a Comment